न्यूयार्क म प्रदर्शित होही छत्तीसगढ़ी फिलिम , होगे हे ऑफिसियल सलेक्शन , प्रमिला रात्रे संग अऊ १९ कलाकार दिखहि अंतर्राष्ट्रीय पटल म

जय जोहार रायपुर… ” द गोल्ड एंड द चिकन स्टोरी “ ये नाम आय वो छत्तीसगढ़ी फिलिम के जेखर चयन अमेरिका के न्यूयार्क शहर म होने वाला बी बोप इंटरनेशनल फिल्म फेस्टिवल कांटेस्ट बर होय हे , बता दन की ये फिलिम छत्तीसगढ़ी भाषा म बनाय गे हे अऊ एखर कैमरामैन अऊ एडिटर अविनाश बावनकर हे , एमा छत्तीसगढ़ के लगभग बीस कलाकार मन अभिनय करे हे जेमा प्रमिला रात्रे , पुरषोत्तम चंद्राकर , सुब्रत शर्मा , बलदेव संधू , अजय निर्मलकर प्रमुख हावे , ये फिलिम बर ऊंहा ले ऑफिसियल सलेक्शन के सूचना मिले ले कलाकार मन म उत्साह हे .