Raipur म काली होही छत्तीसगढ़ी गद्य संग्रह अपन गोठ के विमोचन, छत्तीसगढ़ के सुप्रसिद्ध कवि अउ गीतकार डॉ. चम्पेश्वर गिरि गोस्वामी के हरे कृति, पढ़व
जय जोहार…. (Raipur) वर्ल्ड रेडियो डे के अवसर म काली 13 फरवरी के राजधानी रईपुर (Raipur) म ओल्ड लिस्नर्स ग्रुप ऑफ छत्तीसगढ़ जोन डहार ले एक ठीन इवेंट के आयोजन करे गेहे । ए कारीकरम ह वृंदावन हाल म बिहनिया 11 बजे ले सुरु होही। एमा छत्तीसगढ़ के सुप्रसिद्ध कवि अउ गीतकार डॉ. चम्पेश्वर गिरि गोस्वामी के छत्तीसगढ़ी गद्य संग्रह ‘अपन गोठ’ के विमोचन होवइया हे । ए विमोचन ह कारीकरम के मुख्य अतिथि लखन लाल भौर्य के कर-कमल ले होही।
ओल्ड लिस्नर्स ग्रुप ऑफ छत्तीसगढ़ जोन के प्रदेशाध्यक्ष मोहन देवांगन ह बताइन हे कि विमोचन कारीकरम के मंच संचालन ल पायल विशाल करही , जेन वर्तमान म आकाशवाणी रायपुर (Raipur) केंद्र म युववाणी कंपीयर के रूप म जुड़े हे। संगेसंग स्क्रिप्ट राइटिंग अउ वाइसओवर घलो हे। उहें डॉ. चम्पेश्वर गिरि गोस्वामी जी के व्यक्तित्व अउ कृतित्व के संदर्भ म आकाशवाणी रायपुर केंद्र के लोकप्रिय युववाणी कंपीयर शुभ्रा शुक्ला मिश्रा बोलही।
वो हा बताइन हे कि शुभ्रा शुक्ला मिश्रा ह वर्तमान म मुख्य कार्यपालन अधिकारी,छत्तीसगढ़ (Chief Executive Officer)-( मिनिस्ट्री ऑफ एजुकेशन अउ नीति आयोग भारत सरकार के अंतर्गत ह्युमन्स केयर डेवलपमेंट, दिल्ली) हे । एखर आलावा प्रदेश अध्यक्ष (महिला विंग्स, छत्तीसगढ़) अउ संयुक्त राष्ट्र संघ के कार्यसभा बर खेल अउ युवा मंत्रालय ,भारत सरकार डहार ले चयनित अंतरराष्ट्रीय वालेंटियर(संयुक्त राष्ट्र संघ न्यूयार्क ) ।
