chhattisgarh के बिटिया शुभ्रा शुक्ला चुने गे अंतरराष्ट्रीय वॉलेंटियर, पढ़व पूरा खबर

जय जोहार।….छत्तीसगढ़ (chhattisgarh) के बिटिया शुभ्रा शुक्ला ल संयुक्त राष्ट्र अऊ खेल-युवा कल्याण विभाग भारत सरकार के तरफ ले संयुक्त राष्ट्र संघ बर अंतरराष्ट्रीय वॉलेंटियर चुने गे हे। यूनाइटेड नेशन्स के वोलेंटियर प्रशिक्षण के बाद शुभ्रा शुक्ला ह दूसर देश म अपन सुविधा देही।

पिछिले दू साल ले ओ हा छ्त्तीसगढ़ (chhattisgarh) म मानव संसाधन विकास के अंतर्गत ह्यूमन्स केअर डेवेलपमेंट भारत सरकार म काउंसलर के रूप म कार्यरत रिहिन। वर्तमान म ओ हा ह्यूमन्स केअर के अंतर्गत छत्तीसगढ़ के सीईओ चयनित होय हे। अपन देश के तरफ ले संयुक्त राष्ट्र न्यूयार्क कार्यपालिका ले सीधा संपर्क अऊ ओखर ले मिलना हरके लोगन मन के सपना होवत हे।

छत्तीसगढ़ (chhattisgarh) के बिटिया शुभ्रा ल ये अवसर मिलना हर्ष अऊ गौरव के बात हे। अब शुभ्रा ह केंद्रीय ह्यूमन्स केअर डेवलपमेंट के तरफ ले यूनाईटेड नेशन्स के कार्यपालिका ले सीधा संबंधित रही। जल्दी अलग-अलग देश म यूनाइटेड नेशन्स के तरफ ले दे जवइया ट्रेनिंग घलो सुरू हो जाही। एखर तरफ ले शुभ्रा ल अलग-अलग देश अऊ विदेश म जा के ओखर ले सीधा जुड़े के अवसर प्राप्त होही।