chhattisgarh के गोधन न्याय योजना ल मिलीन हे राष्ट्रीय एलेट्स इनोवेसन अवार्ड, पढ़व

जय जोहार। छत्तीसगढ़ (chhattisgarh ) सासन के महत्वाकांक्षी गोधन न्याय योजना ल राष्ट्रीय स्तर म एलेट्स एनोवेशन अवार्ड ले सम्मानित करे गेहे। एलेट्स आत्म निर्भर भारत समिट म छत्तीसगढ़ राज्य ल कृषि म इनोवेसन केटेगरी म ए अवार्ड प्रदान करे गेहे । नई दिल्ली म आयोजित दो दिवसीय एलेट्स आत्म निर्भर भारत समिट म आज एलेट्स टेक्नोमीडिया प्राईवेट लिमिटेड के संस्थापक, सीईओ अउ एडीटर इन चीफ डॉ. रवि गुप्ता अउ टेक्सटाइल मंत्रालय भारत सरकार के सचिव यू.पी. सिंह ह संयुक्त रूप ले के अवार्ड ल प्रदान करीन।

सचिव अउ राज्य नोडल अधिकारी छत्तीसगढ़ (chhattisgarh ) डहार ले ये अवार्ड ल संयुक्त संचालक आर.एल. खरे ह प्राप्त करीन । मुख्यमंत्री भूपेश बघेल अउ कृषि मंत्री रविन्द्र चौबे ह ए उपलब्धि बर प्रदेस वासी, कृषि विकास, कृषक कल्याण अउ जैव प्रौद्योगिकी विभाग, गोधन न्याय मिसन के अधिकारी -कर्मचारी , गौठान समिति अउ स्व-सहायता समूह के महिला मन ल बधाई अउ सुभकामना दीन हे ।

उल्लेखनीय हे कि छत्तीसगढ़ (chhattisgarh ) सरकार के गोधन न्याय योजना ल एखर पूर्व पर्यावरण संरक्षण अउ सतत् विकास म उत्कृष्ट योगदान बर ’स्कॉच गोल्ड अवार्ड’ मिल चुके हे है। स्कॉच ग्रुप डहार ले छत्तीसगढ़ के गोधन न्याय योजना ल 20 मार्च 2021 के नई दिल्ली म ये अवार्ड ल प्रदान करे गे रिहीन । गौरतलब हे कि मुख्यमंत्री भूपेश बघेल के पहल म 20 जुलाई 2020 हरेली तिहार ले छत्तीसगढ़ म गोधन न्याय योजना ल प्रारंभ करे गीस । ए योजना म पशुपालक अउ ग्रामीण ले 2 रुपिया प्रति किलो के दर म गोबर खरीदी करे जात हे ।