छत्तीसगढ़ के दु स्वास्थ्य केन्द्र ल मिलिस राष्ट्रीय गुणवत्ता प्रमाण पत्र

रायपुर। बलरामपुर जिले के प्राथमिक स्वास्थ्य केंद्र डीपाडीह कला अउ आयुष्मान आरोग्य मंदिर केवली ल केन्द्रीय स्वास्थ्य अउ परिवार कल्याण मंत्रालय ह उत्कृष्ट स्वास्थ्य सेवा अउ मरीज मन ल बेहतर ईलाज उपलब्ध कराए बर राष्ट्रीय गुणवत्ता आश्वासन मानक प्रमाण-पत्र प्रदान करे हे। मुख्यमंत्री विष्णु देव साय अउ स्वास्थ्य मंत्री श्याम बिहारी जायसवाल ह उत्कृष्टता प्रमाण-पत्र हासिल करइया दुनों अस्पतालों के डॉक्टर अउ अन्य मेडिकल स्टॉफ ल बधाई दिन हे। स्वास्थ्य मंत्री  जायसवाल ह कहिन कि छत्तीसगढ़ सरकार राज्य म स्वास्थ्य सुविधा ल बेहतर बनाए के कार्य लगातार जारी हे। ओमन भरोसा जतायिन कि ए अस्पताल आघु घलो अपन उत्कृष्टता बरकरार रखत मरीज के सेवा करहि अउ प्रदेश के दूसर अस्पताल बर नवा प्रतिमान स्थापित करहि।

केन्द्रीय स्वास्थ्य मंत्रालय के टीम द्वारा करे गे परीक्षण अउ मूल्यांकन म डीपाडीह कला ल 92.80 अउ केवली ल 90.72 प्रतिशत अंक प्राप्त होए हे। इहां ए बता दन कि राष्ट्रीय गुणवत्ता आश्वासन मानक प्रमाण-पत्र प्रदान करे के पूर्व विशेषज्ञ के टीम ह अस्पताल के सेवा मन अउ संतुष्टि स्तर के विभिन्न मानक मन परीक्षण करे जात हे, एमा उपलब्ध सेवा, मरीज मन के अधिकार, इनपुट, सपोर्ट सर्विस, क्लीनिकल सर्विसेस, इन्फेक्शन कण्ट्रोल, गुणवत्ता प्रबंधन अउ आउटकम जइसन पैरामीटर शामिल होथे। ए मानक म खरा उतरइया अस्पताल ल ही केन्द्रीय स्वास्थ्य मंत्रालय द्वारा गुणवत्ता प्रमाण-पत्र जारी करे जात हे।