छेरछेरा… माई कोठी के धान ला हेरते हेरा के गूंज…पूरा प्रदेस म

रायपुर। छत्तीसगढ़ के लोकपरब छेरछेरा प्रदेसभर म सोमवार के मनाय जात हे। ए परब  छत्तीसगढ़  म दान के महापरब के रूप म हर बरिस मनाय जाने वाला परब हे।  लइका मन व युवा मन के  टोली आज बिहनिया ले ही लोगम के द्वार-द्वार  म जाके छेरछेरा कोठी के धान ला हेरते हेरा कहत नजर आवत हे।  राजधानी रायपुर सहित प्रदेसभर म ए परब ल लेके सोमवार के लोगन म खासा उत्साह देखे बर मिलत हे। उहें किसान परिवार ए परब ल बड़ उत्साह के संग मनात नजर आइन। बिहनिया नहा धोके तइयार हो के अन्न देव ल धन्यवाद ज्ञापित करे बर  पूजा-अरचना करिन।

छेरछेरा म लोगन ल धान या चांवल दान स्वरुप दे के मान्यता हे काबर के छत्तीसगढ़ म बहुतायत म धान के फसल होथे। राजधानी रायपुर के लग हुए ग्रामीन अंचल के लइका मन  व  युवा मन ह बिहनिया ले ही खासा उत्साह म नजर आवत रहिन हे। उहें  ए दिन पारंपरिक रूप म लोगन के घर मन म छत्तीसगढ़ी पकवान घलो बनाए गे हे।

सीएम भूपेश ह दी सुभकामना

मुख्यमंत्री भूपेश बघेल ह प्रदेशवासी मन ल अन्नदान के महापरब छेरछेरा ल लेके  प्रदेशवासी मन ल बधाई अउ सुभकामना दीस हे। सीएम बघेल ह कहिन के छत्तीसगढ़ के ग्रामीन जनजीवन ले  जुड़े ए लोक परब हमार दानसीलता  म गउरवसाली परंपरा के याद दिलाथे।