जय जोहार । छत्तीसगढ़ (chhattisgarh) के स्कूल शिक्षा विभाग के सीएसआई-एसआईजी के ई-गवर्नेस अवार्ड 2021 ले सम्मानित करे गेहे। छत्तीसगढ़ राज्य ल ये अवार्ड स्कूली लईका मन के आंकलन अउ अभ्यास कार्य ल आसान बनाय बर लागू टेली-प्रेक्टीज बर रिकग्निशन केटेगरी म प्रदाय करे गेहे । प्रयागराज स्थित मोती लाल नेहरू नेशनल इंस्टीट्यूट ऑफ टेक्नोलॉजी म आज आयोजित 19वां सीएसआई-एसआईजी ई-गवर्नेस अवार्ड ल छत्तीसगढ़ डहार ले शिक्षा विभाग के डॉ. एम. सुधीश अउ एनआईसी डहार ले वरिष्ठ तकनीकी संचालक सोम शेखर, वरिष्ठ वैज्ञानिक श्रीमती ललिता वर्मा ह प्राप्त करीन ।
गौरतलब हे कि (chhattisgarh) शिक्षा विभाग म आकलन अउ अभ्यास ल आसान बनाय बर टेली-प्रेक्टीज कारीकरम प्रमुख सचिव डॉ. अलोक शुक्ला अउ सचिव डॉ. कमलप्रीत सिंह के मार्गदर्शन म संचालित करे जात हे। स्कूल शिक्षा विभाग डहार ले लईका मन के आकलन अउ अभ्यास कार्य ल आसान बनाय अउ आकलन के प्रक्रिया म आमतौर म होवइया विसंगति ल दूर करे ल राष्ट्रीय सूचना केंद्र (एनआईसी) के सहयोग ले टेली-प्रेक्टीज नामक कारीकरम लागू करे जात हे।
एमा शिक्षक अउ विद्यार्थी मन ल टेलीग्राम म एक समूह बनाके कार्य करे ल होत हे । (chhattisgarh) लईका मन के समक्ष प्रश्न आत-जात हे, जेखर बिना बेरा गंवाए लईका मन ल जवाब दे ल होत हे । हरेक लईका के ई-जवाब के अपन अलग-अलग वीडियो बन जात हे । ए वीडियो ल बाद म शिक्षक देखके लईका मन के आकलन कर सकत हे ।
No Comment! Be the first one.