जय जोहार…. अवइया 24 घंटा म छत्तीसगढ़ के कई हिस्सा म मौसम फेर बदलइया हे। प्रदेश म कई हिस्सा मन म बारिश के अलर्ट जारी करे गे हे। संगेसंग ओला घलो गिर सकत हे। मौसम विभाग के मुताबिक शुक्रवार अऊ शनिवार के घलो प्रदेश के कई हिस्सा म बारिश होय रहिस। मौसम के ये मिजाज ह रविवार अऊ सोमवार के घलो जारी रह सकत हे। सरगुजा, बिलासपुर, रायपुर संभाग म बारिश के चेतावनी दे गे हे।
मौसम विभाग के अनुसार एक चक्रवाती हवा के क्षेत्र पंजाब अऊ एखर ले सटे भाग म दिखाई देवत हे। पूर्वोत्तर म मेघालय के उपर एक सर्कुलेशन हे, ए सिस्टम ले एक ट्रफ रेखा पश्चिम बंगाल अऊ ओडिशा होत हुए छत्तीसगढ़ तक बने हे। जेखर वजह ले मौसम म बदलाव होही।
Other Articles
Next
