मुख्यमंत्री अउ राजस्व मंत्री के फोटू वाले आबादी पट‌्टा बंटही राज्य म, छपई के काम शुरू

रायपुर. राज्य सरकार ह आबादी जमीन म काबिज गरीब लोगन ल पट‌्टा बांटे के तियारी में हे। ये पट्‌टा म मुख्यमंत्री भूपेश बघेल अउ राजस्व मंत्री जयसिंह अग्रवाल के फोटू घलो छपे रहिही। आबादी पट्‌टा ल छापे के काम चालू हो गे। सूत्र ले मिले जानकारी अनुसार पहिली सरकार ह बिना फोटू वाले पट्‌टा बांटे के तियारी म रहीस, फेर अब नवा सिरा ले आबादी पट्‌टा के छपाई के बाद एखर वितरण करे जाही। प्रदेश म 46 लाख सहरी अउ ग्रामीण परिवार ल आबादी जमीन के पट्टा निशुल्क बांटे जाही। सर्वेक्षण के बाद अब तक 11 लाख ग्रामीण परिवार ल आबादी पट्टा बांटे गे हे। एक लाख अउ ग्रामीण परिवार ल पट्टा बांटा जाना हे।