मुख्यमंत्री भूपेश बघेल ह प्रदेशवासी मन ले करिस अपील, कोरोना के संक्रमण ले बचे बर घर म ही रहे

जय जोहार रायपुर। मुख्यमंत्री भूपेश बघेल ह कोरोना वायरस के संक्रमण ले बचाव बर प्रदेशवासी मन ले घर म ही रहे के अपील करे हे। मुख्यमंत्री बघेल ह कहिन कि जिम्मेदार नागरिक अइसे कोनो काम न करे, जेखर ले संक्रमण के संभावना ह बढ़ जाए। वे अपन जिम्मदारी के निर्वाह करे। जैसा-जैसा थर्ड स्टेज ह नजदीक आवत हे, आंकडा ह बढ़त जात हे। अभी छत्तीसगढ़ म एक ही पाजिटिव केस मिले हे। वो घलो कंट्रोल म हे। ए छत्तीसगढ़ के लोग मन के जागरूकता ले ही संभव हो सके हे। थोड़ा दिन 31 मार्च तक अऊ सहयोग दे।

मुख्यमंत्री ह कहिन कि आम नागरिक, व्यापारी, मीडिया समेत सबो ह जैसा सहयोग पिछिले तीन दिन म दे हे, वइसे ही 31 मार्च तक सहयोग दे। क्योंकि बचाव म ही सबके सुरक्षा हे।