अधिक उत्पादन बर आधुनिक पद्धति ले सब्जी के खेती करय मरार समाज : भूपेश

रायपुर। मुख्यमंत्री भूपेश बघेल मंगलवार के जांजगीर-चांपा जिला के नगर पंचायत शिवरीनारायण पहुंचिन अउ इहां श्रद्धा, भक्ति विश्वास अउ मां शबरी के पुण्यधरा शिवरीनारायण म मरार पटेल समाज के ओर ले आयोजित शाकम्बरी महोत्सव म सामिल होइन। मुख्यमंत्री सर्व मरार पटेल समाज के आराध्य देवी मां शाकम्बरी के पूजा अर्चना करिन अउ छत्तीसगढ़ के सुख समृद्व के कामना करिन।

शाकम्बरी महोत्सव ल संबोधित करत हुए मुख्यमंत्री ह कहिन के  मरार पटेल समाज केवल साग-भाजी के उत्पादन के नाम ले नइ बल्कि मेहनतकस अउ ईमानदारी के नाम ले जाने जाथे।  उमन अपन मेहनत ले कृषि उत्पाद मन के उत्पादन कर आत्मनिरभर अउ  स्वावलंबी बने के ओर अग्रसर हे। उमन अधिक उत्पादन बर आधुनिक पद्धति ले सब्जी के खेती करे के  समझाइस दीन। बघेल ह कहिन के गांव मन अउ  किसान मन के समृद्धि बर  नरवा, गरूवा, घुरवा, बाड़ी के विकास ल प्राथमिकता दे गे हे।

मुख्यमंत्री बघेल ह कहिन के, सामाजिक कार्यक्रम ले सामाजिक संगठन मजबूत होथे। भाईचारा के रिस्ता रहिथे। एखर ले सामाजिक समरसता बरकरार रहिथे।  उमन सादी ब्याह के माध्यम ले फिजूल खरच ल रोके बर सामूहिक विवाह करे अउ समाज म व्याप्त रूढिवादी परम्परा अउ कुरीत मन ल दूर करे के घलो समझाइस दीस हे।