मुख्यमंत्री ह प्रदेशवासी मन ल करिन संबोधित, प्रदेशवासी मन के एक महीना के अनुशासन , त्याग अऊ समर्पण ल सराहीस
जय जोहार रायपुर…. मुख्यमंत्री भूपेश बघेल ह प्रदेशवासी मन ल आज संबोधित करत हुए लाकडाउन के सहयोग करे म धन्यवाद दे हे। वो हा कहिन कि आज ले ठीक एक महीना पहले कोरोना वायरस ले निपटे बर सबले सहयोग मांगे गे रिहिस। ए दौरान मन म बड़ अकन आशंका घलो रिहिस। क्योंकि प्रदेश म करोड़ों लोग मन ले ओखर आचरण, व्यवसाय, जीवन पद्धति बदले बर कहना अऊ पालन कराना कोनो आसान काम नई रिहिस। लेकिन आप मन ह एला कर दिखाए हो।
आज छत्तीसगढ़ कोरोना महामारी के नियंत्रण म पूरा देश के समक्ष उदाहरण बने हे, त एखर मूल म आप लोग मन के प्रदेश बर त्याग अऊ समर्पण भाव हे, जेखर वजह ले ह मन ल कोरोना ले जीत मिलिस। मे हा सबके लिए आप लोग मन ल धन्यवाद देत हो। सबो चिकित्सक, स्वास्थ्य कार्यकर्ता, जिला अऊ पुलिस प्रशासन, महिला अऊ बाल विकास विभाग, नगर पालिका, जनसंपर्क विभाग, मीडिया अऊ सामाजिक संगठन मन के आभारी रहूंगा।
वो ह कहिन कि राज्य म कोरोना ल नियंत्रण कर पाए हे, त गांव के बड़े भूमिका रही हे। छत्तीसगढ़ ह गांव मन के प्रदेश हे, गांव मन म लोग मन ह स्वेच्छा ले फिजिकल डिस्टेंस अऊ साफ-सफाई के पालन करे हे। वो अद्भुत रिहिस। आज छत्तीसगढ़ के प्रशंसा पूरा देश म होवत हे।
