जय जोहार…. मुख्यमंत्री भूपेश बघेल ह नोवेल कोरोना वायरस के संक्रमण ले रोकथाम बर प्रदेश के 9 जिला ल एक करोड़ 20 लाख रूपिया के राशि ल मुख्यमंत्री सहायता कोष ले स्वीकृत करे हे।
मुख्यमंत्री सहायता कोष ले रायपुर जिला ल कोरोना संक्रमण के रोकथाम बर 20 लाख रूपिया स्वीकृत करे गे हे। अइसने राजनांदगांव, दुर्ग, कबीरधाम अऊ बिलासपुर जिला ल 15-15 लाख रूपिया, बलरामपुर-रामानुजगंज, सूरजपुर, गौरेला-पेन्ड्रा-मरवाही, मुंगेली जिला ल 10-10 लाख रूपिया स्वीकृत करे गे हे।
गौरतलब हे कि मुख्यमंत्री भूपेश बघेल ह प्रदेश म कोरोना वायरस के संक्रमण के रोकथाम बर एखर पहले सब्बो 28 जिला ल 25-25 लाख अऊ 11 जिला ल 22-20 लाख रूपिया जारी करे रहिस।
No Comment! Be the first one.