मुख्यमंत्री बघेल ह करिन राम वन गमन पथ बर तैयार कांसेप्ट प्लान के समीक्षा, विकसित करे के काम जल्द प्रारंभ करे के दिस निर्देश
जय जोहार…. मुख्यमंत्री भूपेश बघेल ह राम वन गमन पथ निर्माण अऊ उन्नयन के कार्य ल जल्द प्रारंभ करे के निर्देश दे हे। मुख्यमंत्री ह आज इहां अपन निवास कार्यालय म आयोजित बइठक म राम वन गमन पथ के निर्माण अऊ उन्नयन बर तैयार करे गिस कांसेप्ट प्लान के समीक्षा करिन। राम वन गमन पथ के चिन्हित 51 स्थान म ले प्रथम चरण म 9 स्थान सीतामढ़ी, रामगढ़, शिवरीनारायण तुरतुरिया, चंदखुरी, राजिम, सिहावा, सप्त ऋषि आश्रम, जगदलपुर अऊ रामाराम ल पर्यटन के दृष्टि ले विकसित करे जाही। मुख्यमंत्री ह कहिन कि राम वन गमन पथ के स्थल म व्यावसायिक दृष्टिकोण ले पर्यटन ल बढ़ावा दे के प्रयास करे जाए। जेखर ले स्थानीय लोग मन ल रोजगार के अवसर प्राप्त हो सके।
मुख्यमंत्री ह कहिन कि छत्तीसगढ़ के पर्यटन स्थल म पर्यटक मन के ठहरे के सुविधा नई होय के चलत पर्यटन क्षेत्र के समुचित विकास नई हो पात हे अऊ स्थानीय लोग मन आर्थिक लाभ नई मिल पात हे। यदि पयर्टक मन के ठहरे अऊ अन्य बुनियादी सुविधा मिलही, त इहां पर्यटन समेत आर्थिक गतिविधि घलो बढ़ही अऊ स्थानीय लोग मन ल एखर लाभ मिलही। सीएम ह कहिन कि राम वन गमन पथ म शामिल स्थल मन म जिहां पक्का स्ट्रक्चर नई हे, ऊहां पीपीपी मॉडल म टेंट के व्यवस्था की जाना चाही। वो हा राम वन गमन पथ के वास्तविक रूट के चिन्हांकन के निर्देश देत हुए ए मार्ग म घलो सघन वृक्षारोपण के निर्देश दिस।
