मुख्यमंत्री भूपेश बघेल ह रेलमंत्री पीयूष गोयल ल लिखिन पत्र, ट्रेन के संचालन के संबंध म दे हे कई सुझाव
जय जोहार…. मुख्यमंत्री भूपेश बघेल ह रेल मंत्री पीयूष गोयल ल पत्र लिखे हे। एमा कोविड-19 के संक्रमण ले नागरिक मन के सुरक्षा अऊ बचाव बर सावधानी अऊ सुरक्षात्मक उपाय के संग देश म ट्रेन के संचालन ल सुरू करे के संबंध म कई सुझाव दे हे।
सीएम बघेल ह पत्र म लिखे हे कि श्रमिक स्पेशल ट्रेन के भांति ट्रेन ल स्टेट टू स्टेट चलाय जाय। यात्री मन ल एक-दूसर ले संपर्क ल नियंत्रित करे ल अधिकतम दू स्टापेज रखे जाय अऊ सोशल डिस्टेंसिंग के दृष्टिकोण ले यात्री मन के संख्या ल तय क्षमता ले कम रखे जाय। मुख्यमंत्री बघेल ह संकट के ए घड़ी म मानवीय आधार म यात्री मन ल सब्बो श्रेणी म रियायत दे के घलो आग्रह करे हे।
सीएम ह पत्र म लिखे हे कि ए समय पूरा देश म कोरोना वायरस के संक्रमित मन के संख्या म सरलघा वृद्धि देखे जावत हे। छत्तीसगढ़ सरकार के तरफ ले ए महामारी के रोकथाम अऊ बचाव बर कारगर उपाय करे गे हे। जेखर परिणाम स्वरूप राज्य म महामारी के फैलाव ल रोके म अब तक सफल होय हे। ए बीच आप मन के तरफ ले एक जून ले देशभर म 200 ट्रेन चलाय जाय के निर्णय ले जाय के जानकारी प्राप्त होय हे। प्रभावी उपाय अऊ दिशा निर्देश के बगैर ट्रेन ल संचालित करे ले संक्रमण फेले के आशंका बाढ़ गे हे। महामारी ले उत्पन्न ए विषय परिस्थिति ल देखत हुये नागरिक मन के सुरक्षा अऊ देश म सामान्य स्थिति निर्मित करे जाय बर सावधानी अऊ सुरक्षात्मक उपाय के संग ट्रेन के संचालन करे जाय के आवश्यकता हे।
