chhattisgarh : गिरौदपुरी मेला म सामिल होइन हे मुख्यमंत्री भूपेश बघेल, जैतखाम के करीन पूजा-अर्चना, पढ़व
जय जोहार। (chhattisgarh) मुख्यमंत्री भूपेश बघेल ह आज बाबा गुरु घासीदास के जन्मभूमि अउ तपोभूमि गिरौदपुरी धाम म आयोजित गुरुदर्सन मेला म सामिल होइन हे । वो हा गुरु गद्दी अउ जैतखाम के पूजा-अर्चना कर नमन करीन। उहें छत्तीसगढ़ वासी मन के खुसहाली अउ तरक्की बर कामना करीन।
मुख्यमंत्री ह ए अवसर म (chhattisgarh) गिरौदपुरी मेला आयोजन समिति के अध्यक्ष अउ गुरु गद्दीनशीन विजय गुरु ले घलो गुरु निवास म मुलाकात करीन अउ ओखर घलो आसीर्वाद लीन हे । मंत्री गुरु रूद्रकुमार ह ए अवसर म मंदिर म स्थापित जैतखाम म सफेद पालो चढ़ाइन हे ।
तीन दिन के गुरुदर्सन मेला के आज पहलइया दिन हे। ये मेला ह 09 मार्च तक चलही। ए अवसर म (chhattisgarh) नगरीय प्रसासन अउ विकास मंत्री डॉ. शिवकुमार डहरिया, कलेक्टर डोमन सिंह, एसपी दीपक झा समेत बड़का संख्या में राजमहंत, संत अउ श्रद्धालु मन उपस्थित रिहीन ।
