chhattisgarh : सीएम भूपेश बघेल ह दीन हे प्रदेस वासी मन ल दुर्गाष्टमी अउ महानवमी के बधाई अउ सुभकामना

जय जोहार…. (chhattisgarh) मुख्यमंत्री भूपेश बघेल ह प्रदेस वासी मन ल दुर्गाष्टमी अउ महानवमी के बधाई अउ सुभकामना दीन हे। ए अवसर म सीएम बघेल ह मां दुर्गा ले प्रदेस वासी मन के सुख, समृद्धि अउ खुसहाली के प्रार्थना करे हे।

अपन सुभकामना संदेस म (chhattisgarh) सीएम बघेल ह किहीन कि सक्ति उपासना के महापर्व नवरात्रि म नौ दिन तक भक्तिभाव ले देवी के नौ स्वरूप के पूजा अर्चना करे जात हे। हमर मन के देस म नवरात्रि के अवसर म देवी स्वरूप मानके कन्या के पूजा अउ ओमन ल भोज कराय के परंपरा रहे हे।

(chhattisgarh) सीएम बघेल ह किहीन कि नारी के सम्मान हमर मन के परम्परा अउ संस्कृति के हिस्सा होय के संग हमर मन के मूल्य के हिस्सा हे, ए मूल्य ल सदा बनाये रखना हमन सबके महती जिम्मेदारी हे।