chhattisgarh : मुख्यमंत्री भूपेश बघेल ह बस्तर पुलिस ल ‘आमचो कुटुम्ब’ के दीन हे सौगात
जय जोहार। (chhattisgarh) मुख्यमंत्री भूपेश बघेल ह बस्तर म चलत भेंट-मुलाकात अभियान के दउरान आज जगदलपुर पहुंचीन । इहां वो हा पुलिस कर्मी मन बर आवासीय परिसर “आमचो कुटुम्ब” के लोकार्पण करीन । नवनिर्मित पुलिस आवासीय परिसर “आमचो कुटुम्ब” म अराजपत्रित अधिकारी मन के संग ही प्रधान आरक्षक अउ आरक्षक वर्ग के पुलिसकर्मी मन बर 48 जी टाइप अउ 120 एच टाइप आवास ल बनाय गेहे । अइसने इहां 168 आवास पुलिसकर्मी मन बर बनाय गेहे।
मुख्यमंत्री ह आवासीय परिसर के विधिवत पूजा-अर्चना कर लोकार्पण करे के संग आवास के अवलोकन घलो करीन । (chhattisgarh) “आमचो कुटुम्ब” के सौगात मिले म मुख्यमंत्री ह पुलिस जवान अउ ओखर परिवार जन क बधाई दीन । आवासीय परिसर “आमचो कुटुम्ब” के लोकार्पण के संग मुख्यमंत्री ह पुलिस परिवार के संग भेंट-मुलाकात करीन ।
(chhattisgarh) मुख्यमंत्री भूपेश बघेल ह शहीद विनोद चौबे छात्रवृत्ति योजना अंतर्गत प्रतिभावान विद्यार्थी मन ल सम्मानित करीन । वो हा कक्षा 12वीं बोर्ड परीक्षा म उत्कृष्ट प्रदर्शन करइया साहिल कश्यप अउ तेजस्विनी कुंजाम ल 36 हजार रुपिया के चेक प्रदान कर पुरस्कृत करीन । उहें कक्षा 10वीं म उत्कृष्ट प्रदर्शन करइया युवराज कुर्रे अउ नम्रता गागड़े को 24 हजार रुपिया के चेक प्रदान करीन । मुख्यमंत्री के संग मेधावी छात्र मन ह तस्वीर घलो खिंचाइन।
