जय जोहार। सीएम भूपेश बघेल (CM Bhupesh Baghel) ह सूरजपुर जिला के किक बॉक्सर निगिता यादव ल दुबई म आयोजित किक बॉक्सिंग अंतर्राष्ट्रीय प्रतियोगिता म सम्मिलित होय बर स्वेच्छानुदान मद ले 5 लाख रुपिया के आर्थिक सहायता प्रदान करे हे । मुख्यमंत्री श्री बघेल ह निगिता ल उत्कृष्ट खेल के प्रदर्सन कर देस -प्रदेस के नाव रोशन करे बर सुभकामना दीन हे । निगिता यादव ह मुख्यमंत्री श्री बघेल ल आर्थिक सहयोग बर धन्यवाद देहे ।
मुख्यमंत्री भूपेश बघेल डहार (CM Bhupesh Baghel) ले स्वेच्छानुदान के तहत दे गे 5 लाख रुपिया के आर्थिक सहायता रासि के चेक आज कलेक्टर इफ्फत आरा ह निगिता यादव ल प्रदान करीन । गौरतलब हे कि सूरजपुर निवासी 19 बछर के निगिता यादव, पिता श्री लक्ष्मण यादव ह तमिलनाडु म आयोजित राष्ट्रीय किक बॉक्सिंग प्रतियोगिता (वर्ग-48 किग्रा) बछर 2022 म रजत पदक हासिल करे रिहीन । एखर बाद ओखर चयन दुबई म होवइया किक बॉक्सिंग के अंतर्राष्ट्रीय प्रतियोगिता बर होए हे । एखर पूर्व घलो वोहा कई प्रतियोगिता म उत्कृष्ट प्रदर्सन करे हे ।
निगिता यादव ह बताइन कि ओखर पिताजी ह चना, फली के ठेला लगाके परिवार के भरण-पोसण करत हे । ओखर आर्थिक स्थिति ठीक नई हे । ए सेती अपन प्रैक्टिस नई कर पात रिहीन । अपन आर्थिक स्थिति के सेती देस के बाहर दुबई जाके खेले म समर्थ नई हे । मुख्यमंत्री डहार ले दे आर्थिक सहयोग ले वह प्रतियोगिता म भाग ले सकही ।
No Comment! Be the first one.