जय जोहार। सीएम भूपेश बघेल (CM Bhupesh Baghel) ह अपन भेंट-मुलाकात अभियान के दउरान आज दुर्ग जिला के वैशाली नगर विधानसभा पहुंचीन। इंहा वोहा मुख्यमंत्री स्लम स्वास्थ्य योजना के तहत 4 मोबाइल मेडिकल यूनिट के उद्घाटन करीन । एखर ले शहरी क्षेत्र के स्लम बस्ती म रहवइया मनखे मन के स्वास्थ्य जांच म आसानी होही।
मोबाइल मेडिकल यूनिट म 5 लैब टेस्ट अउ जोड़े गेहे । एमा सिकलिंग टेस्ट, विडाल टेस्ट, ब्लड ग्रुप टेस्ट, यूपीटी प्रेगनेंसी टेस्ट अउ मलेरिया टेस्ट सामिल हे, एखर ले आम नागरिक के चिकित्सा सुविधा म अउ विस्तार होही। मुख्यमंत्री भूपेश बघेल के पहल म सुरू करे गे मोबाइल मेडिकल यूनिट ले नगर निगम क्षेत्रों के गरीब परिवार ल स्वास्थ्य जांच बऱ अब भटकना नई पड़ही। ओखर घर के तीर ही मेडिकल यूनिट पहुंचे अउ ओमा मुफत इलाज अउ जांच ले स्लम बस्ती के मनखे मन ल बड़का राहत पहुंचीन हे ।
भेंट मुलाकात कार्यक्रम म शोभा देवी ह मेडिकल मोबाइल यूनिट के बारे म मुख्यमंत्री श्री बघेल ल बतात हुए बताइन कि तीन देवी मंदिर के तीर मेडिकल यूनिट के गाड़ी लगत हे अउ हमेसा मेडिकल मोबाइल यूनिट ले इलाज करात हे, जेमा एक घलो पैसा नई लगत।
गौरतलब हे कि छत्तीसगढ़ म शहरी क्षेत्र के स्लम बस्ती म रहवइया गरीब परिवार ल मोबाइल मेडिकल यूनिट के माध्यम ले मुफत उपचार के सुविधा दे जावत हे । दुर्ग जिला म कुल 13 मोबाइल मेडिकल यूनिट ले मुफत स्वास्थ्य सुविधा उपलब्ध कराए जावत हे । पूरा जिला म 8 हजार 335 सिविर लगाके 6 लाख 88 हजार 258 मनखे मन ल लाभान्वित करे जा चुके हे ।
Other Articles
CM Bhupesh Baghel ह करीन कई ठन घोसना, पढ़व
