Raipur : मुख्यमंत्री भूपेश बघेल ह गोबर ले बजट ब्रीफकेस बनइया दीदी मन ल करीन सम्मानित
जय जोहार। (Raipur) मुख्यमंत्री भूपेश बघेल ह मंगलवार के गोबर ले बजट के ब्रीफकेस बनइया स्व सहायता समूह के महिला मन ल विधानसभा स्थित अपन कार्यालय म बुलाके सम्मानित करीन । ए दउरान सम्मानित होय म स्वयं सहायता समूह के दीदी मन ह किहीन कि वो हा कभू सोचे घलो नई रिहीन कि ओखर काम के सम्मान स्वयं मुख्यमंत्री करही ।
ए अवसर म (Raipur) मुख्यमंत्री ह स्व सहायता समूह के दीदी नीलम अग्रवाल , नोमिन पाल, मनीषा पटवा, कांति यादव, लता पुणे ल होली के तिहार ले पूर्व मिठाई घलो भेंट करीन। मुख्यमंत्री ह दीदी मन ले किहीन कि आप मन डहार ले बनाये ब्रीफकेस के चर्चा पूरा देस भर म होत हे आप मन के ये काम मौलिक त हे ही सनेसंग हमर मन के गोधन के घलो सम्मान हे ।
नोमिन ह मुख्यमंत्री ल बताइन कि हमन गोबर ले पेंट बनाय के तैयारी करटी हन। (Raipur) संगेसंग गोबर के ईंट बनाके छत्तीसगढ़ महतारी के मंदिर बनाय के घलो योजना हे । मुख्यमंत्री भूपेश बघेल ह किहीन किआप मन के परयास म हमन पूरा सहयोग करही ।
बता देन कि बजट ब्रीफकेस ल नगर पालिक निगम रईपुर के गोकुल धाम गोठान म काम करइया ‘एक पहल’ महिला स्व सहायता समूह के एसएचजी दीदी नोमिन पाल डहार ले बनाये गे रिहीन । ब्रीफकेस ल गोबर , चुना पावडर , मैदा, लकड़ी अउ ग्वार गम के मिक्चर ल परत दर परत लगाके 10 दिन के मेहनत ले तैयार करे गेहे ।
