CM Bhupesh Baghel ह भिलाई नगर विधानसभा क्षेत्र म 33.83 करोड़ रुपिया के निर्माण काम के करीन लोकार्पण अउ भूमिपूजन
जय जोहार। सीएम भूपेश बघेल (CM Bhupesh Baghel) ह आज भिलाई नगर विधानसभा क्षेत्र म आयोजित भेंट-मुलाकात म क्षेत्र वासी मन ल 33 करोड़ 83 लाख रुपिया के विकास काम के सौगात दीन। एमा तीन करोड़ 82 लाख रुपिया के विकास काम के लोकार्पण अउ 30 करोड़ रुपिया ले जादा के निर्माण काम के भूमिपूजन सामिल हे।
सीएम भूपेश बघेल ह खुर्सीपार के मोहन लाल जैन शासकीय महाविद्यालय परिसर म आयोजित भेंट-मुलाकात म भिलाई नगर निगम क्षेत्र के अंतर्गत 40 लाख रुपिया के शेड निर्माण, 14 लाख 25 हजार रुपिया के मंच निर्माण अउ लाइटिंग काम, 54 लाख रुपिया के भवन निर्माण, दो करोड़ 20 लाख रुपिया के सौंदर्यीकरण, 30 लाख रुपिया के सड़क निर्माण अउ 24 लाख रुपिया के गार्डन अउ बैडमिंटन कोर्ट के लोकार्पण करीन।
मुख्यमंत्री ह कार्यक्रम म 80 लाख रुपिया के जीर्णोद्धार काम, 97 लाख रुपिया के सौंदर्यीकरण, सात करोड़ रुपिया के रेडीमेड गारमेण्ट फैक्ट्री, 24 लाख रुपिया के तीन महिला पिंक टायलेट निर्माण, दस करोड़ रुपिया के आधुनिक हार्डवेयर अउ साफ्टवेयर सुविधा सहित बीपीओ निर्माण काम, विभिन्न वार्ड म एक करोड़ चार लाख रुपिया के फुटपाथ निर्माण, दो करोड़ 96 लाख रुपिया के लागत ले डामरीकृत सड़क के नवीनीकरण काम के भूमिपूजन करीन।
