CM Bhupesh Baghel ह करीन हीरापुर जरवाय म सी एंड डी प्लांट के लोकार्पण

जय जोहार। सीएम भूपेश बघेल (CM Bhupesh Baghel) ह आज भेंट-मुलाकात के दउरान रायपुर के हीरापुर जरवाय म सी एंड डी प्लांट के लोकार्पण करीन। ए अवसर म मुख्यमंत्री ह किहीन कि शहर म निर्माण गतिविधि म वृद्धि होए ले तोड़फोड़ अउ अन्य प्रक्रिया ले निकलइया निर्माण अउ विध्वंस अपशिष्ट जेला मलबा कहत हन, एखर उचित प्रबंधन बर सीएंडडी प्लांट के निर्माण करे गेहे ।

इंहा मलबा के प्रोसेसिंग कर पेवर ब्लॉक, टाइल्स, ड्रेन कवर के निर्माण करे जाही। सी एंड डी प्लांट ले मलबा के उचित समायोजन ले वायु के गुणवत्ता, नाला के प्रवाह म अवरोध अउ तालाब के जल संचयन के क्षमता म कमी आए जइसे समस्या म कमी आही ।

जरवाय के सीएंडडी प्लांट म पेवर ब्लॉक संयंत्र निर्माण के अवलोकन करत हुए मुख्यमंत्री श्री बघेल ह इंहा म काम करइया अटारी गांव के आरती डहरे ले पूछीन कि प्रतिदिन कतना आमदनी होत हे ? आरती ह बताइन कि प्रतिदिन 200 रुपिया कमा लेत हों। आरती ह बताइन कि प्रतिदिन इंहा म 2500 पेवर ब्लॉक के निर्माण करे जात हे। आरती ह मुख्यमंत्री ले किहीन कि ये पहल रोजगार प्रदान करे के दिसा म एक अच्छा सुरूवात हे ।