chhattisgarh : सीएम भूपेश बघेल ह राजा रुद्रप्रताप टाऊन क्लब अउ वाचनालय के करीन लोकार्पण

जय जोहार…. (chhattisgarh) मुख्यमंत्री भूपेश बघेल ह अपन जगदलपुर प्रवास के दउरान आज दंतेश्वरी मंदिर के सामने राजा रुद्र प्रतापदेव् टाऊन क्लब अउ वाचनालय के लोकार्पण करीन, जेखर जीर्णोद्धार अउ नवीनीकरण के काम लगभग 43 लाख रुपिया के लागत ले करे गेहे।

ए दउरान वो हा हल्बी अउ गोंडी भाषा म प्रकासित पुस्तक बालीफूल के विमोचन करीन। (chhattisgarh) एखर आलावा वो हा बस्तर के पारंपरिक लोककथा म बनइया फिलीम मुंदरा मांझी के शूटिंग के क्लैप देके सुभारंभ घलो करीन। सीएम श्री बघेल ने कोरोना काल म बेहतर सैक्षणिक दायित्व के निर्वहन करईया 36 सिक्षक मन ल घलो शाल अउ स्मृति चिन्ह भेंट कर सम्मानित करीन।

ए अवसर म (chhattisgarh) सांसद दीपक बैज, बस्तर क्षेत्र आदिवासी विकास प्राधिकरण के अध्यक्ष लखेश्वर बघेल, संसदीय सचिव रेखचन्द जैन, विधायक चित्रकोट राजमन बेंजाम, महापौर सफीरा साहू, क्रेडा के अध्यक्ष मिथलेश स्वर्णकार, मछुवा कल्याण बोर्ड के अध्यक्ष एमआर निषाद एवं संभगायुक्त श्याम धावड़े, आईजी सुंदरराज पी, कलेक्टर रजत बंसल, वरिष्ठ पुलिस अधीक्षक जितेंद्र मीणा, जिला पंचायत के मुख्य कार्यपालन अधिकारी रोहित व्यास उपस्थित रिहीन ।