जय जोहार। सीएम भूपेश बघेल (CM Bhupesh Baghel) ह छत्तीसगढ़ महतारी के छायाचित्र म माल्यार्पण, दीपप्रज्वलन अउ राज्य गीत “अरपा पैरी के धार” ले छत्तीसगढ़ मिलेट कार्निवल के सुभारंभ करीन । ए कार्निवाल के आयोजन 17 से 19 फरवरी तक सुभाष स्टेडियम म होही। कार्निवाल के आयोजन ल छत्तीसगढ़ राज्य लघु वनोपज संघ अउ आईआईएमआर हैदराबाद के संयुक्त तत्वाधान म करे जावत हे।
ए कार्यक्रम म वन अउ जलवायु परिवर्तन मंत्री मोहम्मद अकबर, राज्य गृह निर्माण मंडल के अध्यक्ष कुलदीप जुनेजा, महापौर एजाज ढेबर घलो उपस्थित हे । मिलेट ल मनखे मन के दैनिक आहार म सामिल अउ एखर पोसक तत्व के प्रति जन-जागरूकता लाय के उद्देश्य ले कार्निवाल के आयोजन होवत हे। कार्निवाल म मिलेट फूड कोर्ट म आम नागरिक ह मिलेट के स्वादिष्ट व्यंजन के आनंद उठा सकही ।
कार्निवाल म मिलेट स्टार्ट-अप ह अपन पैकेज्ड मिलेट उत्पाद ल प्रदर्सित करे हे। ए कार्निवाल म जनजागरूक बर सैक्षणिक संस्थान डहार ले नुक्कड़ नाटक अउ स्थानीय लोक कलाकार डहार ले हरेक दिन संझा के सांस्कृतिक कार्यक्रम आयोजित होही। देस के चर्चित शेफ ह मिलेट के नवा -नवा स्वादिष्ट व्यंजन बनाना घलो सिखाही ।
Other Articles
Raipur : हसदेव बांगो परियोजना के नहर के काम बर 3.15 करोड़ रुपिया स्वीकृत
Raipur : सीएम भूपेश बघेल ह छत्रपति शिवाजी के मूर्ति के करीन अनावरण
