chhattisgarh : सीएम भूपेश बघेल ह दू दिनी वाणिज्य उत्सव के करीन सुभारंभ, पढ़व

जय जोहार…. (chhattisgarh) मुख्यमंत्री भूपेश बघेल ह आज राजधानी रईपुर म आयोजित दू दिनी दिवसीय वाणिज्य उत्सव के सुभारंभ करीन। ए अवसर म सीएम बघेल ह छत्तीसगढ़ राज्य के उद्योग पेवलियन के सुभारंभ घलो करीन । कारीकरम के अध्यक्षता ल उद्योग मंत्री कवासी लखमा ह करीन।

ए उत्सव म छत्तीसगढ़ अउ देस म पिछले 75 बछर म विनिर्माण अउ निर्यात के क्षेत्र म प्रगति अउ एला सतत आगू बढ़ने के संबंध म प्रस्तुतिकरण दे गीस। (chhattisgarh) ए आयोजन म सफल उद्यमी के केस स्टडी के जानकारी के संगेसंग अंतर्राष्ट्रीय स्तर म उत्पाद के बिक्री अउ मार्केटिंग बर बायर सेलर मीट के घलो आयोजन करे गीस।

उल्लेखनीय हे कि (chhattisgarh) राजधानी रईपुर के होटल बेबीलान केपिटल म आजादी की 75 वीं वर्षगांठ के अवसर म छत्तीसगढ़ वाणिज्य अउ उद्योग विभाग अउ भारत सरकार के विदेस व्यापार महानिदेशालय के संयुक्त तत्वाधान म 21 अउ 22 सितंबर के दू दिवसीय वाणिज्य उत्सव के आयोजन करे जात हे।

सुभारंभ अवसर म मुख्य सचिव अमिताभ जैन, भारत सरकार वाणिज्य मंत्रालय के ओएसडी विकास चौबे, प्रमुख सचिव उद्योग मनोज कुमार पिंगुआ, सचिव आशीष भट्ट, शेफिक्सल वाईस चेयरमैन डॉ लाल हिंगोरानी उपस्थित रिहीन।