जय जोहार। सीएम भूपेश बघेल (CM Bhupesh Baghel) ह आज इंहा राजधानी रायपुर के निवास कार्यालय परिसर म आयोजित कार्यक्रम म छत्तीसगढ़ सरकार डहार ले संचालित एक ठन महत्वपूर्ण अभियान ’छत्तीसगढ़ सामाजिक-आर्थिक सर्वेक्षण-2023’ काम के सुभारंभ करीन। वोहा ए दउरान सर्वेक्षण दल ल हरी झण्डी दिखाके प्रदेस के जिला बर रवाना करीन। सर्वेक्षण के काम पूरा प्रदेस म एक अप्रैल ले 30 अप्रैल 2023 तक चलही । एखर तहत सर्वेक्षण दल ह राज्य के ग्रामीण क्षेत्र म घर-घर जाके मोबाइल एप्लीकेशन के माध्यम ले सर्वे के काम करही ।
ए अवसर म मुख्यमंत्री ह किहीन कि आज एक अप्रैल ले वित्तीय बछर के प्रारंभ होय के अवसर म छत्तीसगढ़ म जनहित म राज्य सरकार डहार ले संचालित एक ठन महत्वपूर्ण अभियान ’छत्तीसगढ़ सामाजिक-आर्थिक सर्वेक्षण-2023’ के काम के सुरुवात हो गेहे । ये नवा-नवा योजना ल बनाय अउ ओखर बेहतर क्रियान्वयन कर मनखे मन ल जादा ले जादा लाभ दिलाए म महत्वपूर्ण साबित होही ।
मुख्यमंत्री ह बताइन कि सर्वेक्षण ले विभिन्न योजना ले वंचित हितग्राही घलो अब नवा सूची म सामिल हो पाही अउ ओमन ल पात्रता के अनुसार सरकार डहार ले संचालित कई ठान जनकल्याणकारी योजना के भरपूर लाभ मिलही । मुख्यमंत्री ह किहीन कि छत्तीसगढ़ म हमर मन के सरकार डहार ले मनखे मन के विकास बर सरलग काम करे जावत हे ।
