जय जोहार। अंतरराष्ट्रीय योग दिवस 21 जून को राजधानी मुख्यालय रायपुर समेत राज्य के सबे जिला मुख्यालयों, विकासखण्डों अऊ पंचायतों में सामूहिक योग के परदर्शन करे जाही। रायपुर म सामूहिक योग के परदर्शन सरदार बलवीर सिंह जुनेजा इंडोर स्टेडियम में होही, जेमा मुख्यमंत्री भूपेश बघेल ह घलो शामिल होही।
कोरबा जिला मुख्यालय के परमुख कार्यक्रम में विधानसभा अध्यक्ष डॉ. चरणदास महंत ह शामिल होही। अइसने ही जिला मुख्यालयों के आयोजन म जिला के प्रभारी मंत्री या फेर नामंकित मंत्री के अलावा सांसद, विधायक, जिला पंचायत अध्यक्ष, महापौर, अन्य जनप्रतिनिधि अऊ गणमान्य नागरिक मन घलो शामिल होही। सामूहिक योग बिहनिया के 7 से 8 बजे तक करे जाही। योग दिवस म राज्य के 60 लाख से जादा मनखे मन ल योग प्रदर्शन म शामिल करे के लक्ष्य रखे हे। ये आयोजन के परमुख उद्देश्य आम जनता के मन म योग के प्रति जागरूकता लाए बर करे जाथ हे। ऐखर साथ ही योग करे से शारीरिक अऊ मानसिक बीमारी म जो लाभ मिलथे ओला बताना हे।
