chhattisgarh: सीएम भूपेश बघेल ह करिन वर्चुअल कार्यक्रम म मुख्यमंत्री वृक्षारोपण प्रोत्साहन योजना के सुभारंभ
जय जोहार…. (chhattisgarh) सीएम भूपेश बघेल ह आज अपन निवास कार्यालय म आयोजित वर्चुअल कार्यक्रम म प्रदेश म वृक्षारोपण प्रोत्साहन योजना के सुभारंभ करिन। ए दौरान सीएम बघेल ह दुर्ग जिला के ग्राम फुंडा (पाटन) म जैव विविधता पार्क के भूमिपूजन करे हे। सीएम ह जनप्रतिनिधि समेत अलग अलग वन मंडल के वन प्रबंधन समिति के सदस्य अउ किसान मन ले वर्चुअल संवाद करिन।
ए संवाद म (chhattisgarh) बस्तर, बिलासपुर, बलरामपुर, कांकेर, महासमुंद अउ कवर्धा वनमंडल के अंतर्गत जनप्रतिनिधि अउ वन प्रबंधन समिति के सदस्य अउ कृषक सामिल होइन हे। ए दौरान मुख्यमंत्री बघेल ह ’’बटरफ्लाई ट्रेजर ऑफ छत्तीसगढ़’’ नामक पुस्तक के विमोचन घलो करिन।
कार्यक्रम म (chhattisgarh) वन मंत्री मोहम्मद अकबर, मुख्यमंत्री के सलाहकार राजेश तिवारी, अपर मुख्य सचिव सुब्रत साहू, वन विभाग के प्रमुख सचिव मनोज कुमार पिंगुआ, प्रधान मुख्य वन संरक्षक अउ वन बल प्रमुख राकेश चतुर्वेदी उपस्थित रिहिन।
