chhattisgarh : सीएम भूपेश बघेल ह एकीकृत किसान पोर्टल ल करीन लांच, किसान मन बर आसान होही पंजीयन के प्रक्रिया
जय जोहार…. (chhattisgarh ) मुख्यमंत्री भूपेश बघेल ह आज अपन निवास कार्यालय म कैबिनेट के बइठक के पाहिले एकीकृत किसान पोर्टल https://kisan.cg.nic.in ल लॉन्च करीन। कृषि विभाग के सहयोग ले एनआईसी डहार ले तैयार एकीकृत किसान पोर्टल म राजीव गांधी किसान न्याय योजना, समर्थन मूल्य म धान खरीदी, मुख्यमंत्री वृक्षारोपण प्रोत्साहन योजना अउ कोदो-कुटकी, रागी उपार्जन योजना के लाभ ले बर किसान मन ल एक घांव ही पंजीयन कराना होही।
(chhattisgarh ) मुख्यमंत्री बघेल ह ने एकीकृत किसान पोर्टल ल लांच करत हुए किसान मन ल बधाई अउ सुभकामना दीन हे, वो हा किहीन कि ए पोर्टल ले किसान मन बर पंजीयन कराना आसान हो जाही। आने आने योजना के लाभ ले बर ओमन ल एक घांव ही पंजीयन कराना होही।
कृषि उत्पादन आयुक्त अउ कृषि विभाग के सचिव डॉ.एम.गीता ह बताइन कि आने आने योजना बर किसान मन के पंजीयन के प्रक्रिया के ए पोर्टल के माध्यम ले सरल करे गेहे, एखर ले आने आने योजना बर किसान मन के सुगमतापूर्वक पंजीयन हो सकही। (chhattisgarh ) एकीकृत पोर्टल के माध्यम ले योजना के क्रियान्वयन, प्रबंधन, पर्यवेक्षण अउ रिपोर्टिंग म आसानी होही।
