Raipur : सीएम भूपेश बघेल ह कॉस्मो एक्सपो 2023 के करीन अवलोकन

जय जोहार। सीएम भूपेश बघेल श्री राम बिजनेस पार्क म आयोजित कॉस्मो एक्सपो 2023 कार्यक्रम म पहुंचीन। ए एक्सपो म मुख्यमंत्री ह स्टॉल के अवलोकन करीन। वो हा ए भव्य आयोजन बर रोटरी क्लब ऑफ रायपुर ल बधाई अउ सुभकामना दीन। वोहा किहीन कि ए आयोजन म उद्योग व्यापार के लगभग सबो ट्रेड के प्रदर्शन देखे ल मिलत हे । मोला ए बात के गर्व हे कि छत्तीसगढ़ सासन घलो ए आयोजन के हिस्सा हे।

एक्सपो म ऑटो मोबाइल ले लेके रियल स्टेट अउ एजुकेशन तक हरेक क्षेत्र म देस अउ दुनिया म होवत नवाचार के बारे म सहज ही जानकारी मिलत हे। ए एक्स्पो म विभिन्न ट्रेड के 300 ले जादा स्टॉल लगाए गेहे । संगेसंग एक्सपो म विभिन्न सासकीय विभाग के संग ही जनसंपर्क विभाग डहार ले विकास के छत्तीसगढ़ माडल ल बेहतर ढंग ले प्रदर्शित करे गेहे ।

ए अवसर म संसदीय सचिव विकास उपाध्याय, छत्तीसगढ़ गृह निर्माण मंडल के अध्यक्ष कुलदीप सिंह जुनेजा, रायपुर नगर निगम के महापौर एजाज ढेबर घलो मौजूद रिहीन ।