CM Bhupesh Baghel ह रीपा म चलत गतिविधि के करीन अवलोकन
जय जोहार । सीएम भूपेश बघेल (CM Bhupesh Baghel) ह आज रीपा म चलत गतिविधि के अवलोकन करीन । मुख्यमंत्री ह सबले पहिले गोबर पेंट यूनिट ल देखीस , जय बुढ़ा देव स्वसहायता समूह के सदस्य सुनीता ध्रुव ह बताइन कि पिछले 2 महीना ही गोबर ले प्राकृतिक पेंट के निर्माण करत होए हे । 860 लीटर गोबर बेच चुके हन । एखर ले 62 हजार रुपिया के आमदनी हो चुके हे ।
दोना पत्तल यूनिट के संचालन करत माँ अंबे स्वसहायता समूह के सदस्य गनेशिया पटेल ह बताइन कि दस हजार बंडल दोना पत्तल बन चुके हे । दू महीना म 20 हजार के आमदनी हो चुके हे । सीमार्ट म घलो पत्तल बेचत हन अउ साप्ताहिक बाजार घलो भेजत हन ।
एखर बाद सीएम ह चंदली रीपा म ही संचालित होवत जूता चप्पल यूनिट के मुख्यमंत्री ह निरीक्षण करीन । वंदे मातरम स्वसहायता समूह के पुष्पा खुंटे ह बताइन कि एक महीना म ही 309 नग स्लीपर बेच चुके हन । एखर ले 11 हजार 400 रुपिया के आय होइन ।
एखर बाद मुख्यमंत्री ह डिस्प्ले यूनिट प्रसिक्षण कक्ष ल देखीस अउ वाई फाई के सुविधा ल आरंभ करीन । . सदस्य मन ह मुख्यमंत्री ल इंहा होवत मछली पालन के बारे म घलो बताइन ।किहीन कि इंहा तीन ठन तालाब हे । पुष्पा ह मुख्यमंत्री ल बताइन कि हमर मन करा तीन ठन तालाब हे अउ एक क्विंटल मछली हमन ह निकाले हन । एखर ले दो लाख रुपिया के आमदनी के संभावना हे ।
