CM Bhupesh Baghel ह सत्तीचौरा मां दुर्गा मंदिर म करीन पूजा अर्चना
जय जोहार। सीएम भूपेश बघेल (CM Bhupesh Baghel) ह दुर्ग विधानसभा के गंजपारा म सत्तीचौरा स्थित मां दुर्गा मंदिर म पूजा अर्चना करीन अउ प्रदेस वासी मन के सुख, समृद्धि अउ खुसहाली के कामना करीन। ए दउरान जिला के प्रभारी मंत्री मोहम्मद अकबर अउ दुर्ग विधायक अरूण वोरा समेत जनप्रतिनिधि घलो मौजूद रिहीन।
गंजपारा स्थित सत्तीचौरा मंदिर के इतिहास ह स्थानीय मनखे मन ले छिपा नई हे । सत्तीचौरा मां दुर्गा मंदिर के स्थापना 2010 म होए रिहीस । मान्यता हे कि धार्मिक अउ शुभ काम करे ले पहले माता म नारियल चढ़ाए जात हे ।
ज्ञातव्य हे कि गंजपारा सत्तीचौरा म एक ठन अइसे चौरा हे, जिहां म एक महिला ह अपन आत्मशक्ति ले अग्नि प्रज्जवलित कर सती होए रिहीस , ओखर आशीर्वाद अउ प्रेरणा ले गंजपारा म सतीचौरा म मां दुर्गा के प्रतिमा स्थापित करे गेहे ।
