CM Bhupesh Baghel ह काली कोरिया अउ जशपुर जिला के दउरा म, पढ़व

जय जोहार। सीएम भूपेश बघेल (CM Bhupesh Baghel ) ह सोमवार के कोरिया जिला के मुख्यालय बैकुंठपुर अउ जशपुर जिला के विकासखण्ड कुनकुरी के मयाली गांव म होवइया कार्यक्रम म शामिल होही।

मुख्यमंत्री श्री बघेल ह निर्धारित दउरा कार्यक्रम के अनुसार बिहनिया 11.30 बजे रायपुर पुलिस ग्र्राउण्ड हेलीपेड ले हेलीकॉप्टर डहार ले रवाना होही अउ मंझनिया 12.30 बजे बैकुंठपुर पहुंचही, इंहा कोरिया कुमार चौक म स्वर्गीय डॉ. रामचन्द्र सिंहदेव (कुमार साहब) के प्रतिमा के अनावरण करही। ए मउका म सीएम श्री बघेल ह विकास काम के भूमिपूजन करही। एखर बाद मंझनिया 12.50 बजे कोरिया पैलेस ग्राउण्ड म स्वर्गीय डॉ. रामचन्द्र सिंहदेव (कोरिया कुमार) के समाधि म पुष्पाजंलि अर्पित करही ।

मुख्यमंत्री ह मंझनिया 1.25 बजे बैकुंठपुर ले हेलीकॉप्टर ले रवाना होके मंझनिया 2.10 बजे जशपुर जिला के कुनकुरी विकासखण्ड के मयाली नेचर कैम्प के हेलीपेड पहुंचही अउ मंझनिया 2.35 बजे ग्राम मयाली म युवा महोत्सव 2023 म शामिल होही । मुख्यमंत्री ह इंहा मड-हाउस कैक्टस गार्डन के अवलोकन करही अउ मधेश्वर महादेव ऐतिहासिक सलामी गुफा म दर्शन करही ।

सीएम श्री बघेल ह ए मउका म किसान मेला म विभागीय स्टाल के अवलोकन करही। एखर बाद हितग्राही मन ल विभिन्न योजना के अंतर्गत सामग्री के वितरण करही। उंहे विकास काम के भूमिपूजन अउ लोकार्पण करही । मुख्यमंत्री श्री बघेल ह मयाली नेचर कैम्प ले अपरान्ह 3.50 बजे हेलीकॉप्टर ले रवाना होके 5.05 बजे रायपुर लहुट आही ।