Raipur : मुख्यमंत्री भूपेश बघेल ह चंदूलाल चंद्राकर के पुण्यतिथि म करीन नमन

जय जोहार….(Raipur ) मुख्यमंत्री भूपेश बघेल ह आज रईपुर के अपन निवास कार्यालय म छत्तीसगढ़ के प्रखर पत्रकार अउ पूर्व सांसद स्वर्गीय चंदूलाल चंद्राकर के पुण्यतिथि म ओखर चित्र म पुष्प अर्पित कर ओमन ल नमन करीन ।

ए अवसर म (Raipur ) वो हा किहीन कि छत्तीसगढ़ के माटी पुत्र चंदूलाल जी ह लोकसभा म सांसद अउ केंद्र म महत्वपूर्ण विभाग म मंत्री रहत देस अउ प्रदेस के उल्लेखनीय सेवा करीन । छत्तीसगढ़ राज्य निर्माण सर्वदलीय मंच के अध्यक्ष के रूप म वो हा छत्तीसगढ़ राज्य आंदोलन ल नवा दिसा प्रदान करीन ।

वो हा किहीन कि चंदूलाल जी ह मूल्य आधारित निष्पक्ष अउ निर्भीक पत्रकारिता बर घलो जाने जावत हे । (Raipur ) कई ठीन ज्वलंत मुद्दा म वो हे प्रखरता अउ निडरता ले आवाज उठाइन । वो हा अपन प्रखर व्यक्तित्व अउ निर्भीक पत्रकारिता ले देस म छत्तीसगढ़ के नाव रोशन करीन ।