जय जोहार। सीएम भूपेश बघेल (CM Bhupesh Baghel) ह आज अक्ती तिहार अउ माटी पूजन दिवस कार्यक्रम म सामिल होइन। सीएम श्री बघेल ह गांव के माटी, देवी-देवता अउ ठाकुर देव के पूजा करीन। उंहे सीएम ह बीज बुवाई संस्कार के तहत लौकी, सेम, तोरई के बीज बोए हे । मुख्यमंत्री ह गौ माता के चारा खिलाइन । वोहा धान के कोठी ले बीज लाके पूजा करीन अउ अच्छा फसल बर धरती माता ले कामना करीन।
बता देन कि रायपुर के कृषि विश्वविद्यालय परिसर म माटी पूजन दिवस कार्यक्रम के आयोजन करे जावत हे। ए कार्यक्रम म मुख्यमंत्री ह राज्य वासी मन के धन धान्य ले भरे रहे के कामना करीन। मुख्यमंत्री भूपेश बघेल ह ट्रैक्टर चलाके खेत के जुताई करीन।
No Comment! Be the first one.