जय जोहार रायपुर…. कोरोना ल लेके मुख्यमंत्री भूपेश बघेल ह बेहद गंभीर हे। मुख्यमंत्री बघेल ह सबो गतिविधि म निगरानी बनाए हुए हे। सड़क म निकल के वंचित लोग मन के बीच पहुंच के व्यवस्था अऊ सुविधा मन के जानकारी घलो लेवत हे।
सब्जी विक्रेता अऊ मजदूर मन ले मिले के बाद आज मुख्यमंत्री बघेल ह बुजुर्ग मन ले मिले ल माना स्थित वृद्धाश्रम पहुंचिस। इहां मुख्यमंत्री बघेल ह बुजुर्ग महिला अऊ पुरुष मन के खैरियत अऊ उपलब्ध व्यवस्था के जानकारी लिस। मुख्यमंत्री ह ओखर सुख-दुख, खान-पान, निवास अऊ दिनचर्या के बारे म चर्चा करिस अऊ कोरोना वायरस के संक्रमण ले बचाव बर सावधानी बरते बर ओ मन ल सामाजिक दूरी के पालन अऊ हाथ ल साफ करत रहे के समझाइश घलो दिस।
