CM Bhupesh Baghel ह ‘तिरोहित तितुरघाट’ पुस्तक के करीन विमोचन

जय जोहार। सीएम भूपेश बघेल (CM Bhupesh Baghel) ह अपन निवास कार्यालय म ‘तिरोहित तितुरघाट’ पुस्तक के विमोचन करीन । ये पुस्तक धमधा के तितुरघाट म दू दर्जन ले जादा सती स्तंभ के पुरातात्विक साक्ष्य अउ ओखर विशेषता म आधारित हे । एखर संपादन ल गोविन्द पटेल ह करे हे अउ भूमिका पुरातत्विद् प्रभात सिंह ह लिखे हे । धर्मधाम गौरवगाथा समिति ह तितुरघाट के तिरोहित तालाब ल फेर ढूंढके श्रमदान अउ जनसहयोग ले ओखर खुदाई करीन । ए स्थान के प्राचीनता अउ ऐतिहासिकता के संग ही तालाब के महत्व ल दर्शाय ल ए पुस्तक के प्रकाशन करे गेहे ।

ए पुस्तक म शिवनाथ नदी के तीर स्थित 500 बछर पुरान चतुर्भुजी तितुरघाट गांव के ऐतिहासिक पृष्ठभूमि ल बताये गेहे । ये गांव अब उंहा ले उजड़ गेहे , परन्तु गांव के ऐतिहासिक अउ पुरातात्विक महत्व ल दरसईया सौ ले जादा शिलाखंड, स्थापत्य खंड बिखरे पड़े हे । जेमा ले तीन ठीन शिलालेख अउ दो दर्जन सती स्तंभ मिले हे । इंहा एक मंदिर अउ तालाब घलो रिहीन । धर्मधाम गौरवगाथा समिति ह ए विलुप्त तालाब के पुनर्निर्माण करवाइन ।

ए अवसर म धर्मधाम गौरवगाथा समिति के संयोजक वीरेंद्र देवांगन, ईश्वरी निर्मल, अशोक देवांगन, सामर्थ्य ताम्रकार उपस्थित रिहीन ।