chhattisgarh : मुख्यमंत्री भूपेश बघेल ह प्रधानमंत्री नरेन्द्र मोदी ल पत्र लिखके दीन हे सुझाव, पढ़व

जय जोहार…. (chhattisgarh ) मुख्यमंत्री भूपेश बघेल ह छत्तीसगढ़ के आकांक्षी जिला के विकास के प्रचलित मापदंड म सांस्कृतिक उत्थान के तत्व ल घलो सामिल करे जाय के सुझाव दीन हे । वो हा किहीन कि ट्रांसफार्मेशन ऑफ एस्पिरेशनल डिस्ट्रिक्ट प्रोग्राम (टीएडीपी) के मॉनिटरिंग इंडीकेटर म स्थानीय बोली म शिक्षा, मलेरिया अउ एनीमिया म कमी, वनोपज के समर्थन मूल्य म खरीदी, लोक कला, लोक नृत्य अउ पुरातत्व के संरक्षण-संवर्धन, जैविक खेती, वनाधिकार पट्टा ल सामिल करे जाना चाही ।

सीएम श्री बघेल ह प्रधानमंत्री नरेन्द्र मोदी ल लिखे पत्र म किहीन -मोला ये कहत हुये खुसी हे कि ए सबो मापदंड म छत्तीसगढ़ (chhattisgarh ) ह शानदार काम करे हे । श्री बघेल ह लिखे हे -हमर मन के राज्य म कुल 10 आकांक्षी जिला हे , जेमा पूर्णतः 8 जिला अनुसूचित क्षेत्र म हे अउ 07 जिला बस्तर संभाग ले हे जेन अनुसूचित जनजाति बहुल्य क्षेत्र घलो हे अउ वामपंथी उग्रवाद ले ग्रसित ही । ए आकांक्षी जिला के विकास ल लेके नीति आयोग डहार ले बेरा -बेरा म समीक्षा अउ मूल्यांकन करे बर आने आने मापदण्ड के आधार म आकांक्षी जिला के बीच श्रेणीकरण करे जात हे ।

हमर मन के वनांचल अउ ग्राम्य जीवन म संस्कृति अउ परंपरा क्र बिसेस योगदान होत हे, जेखर ले उहां के मनखे मन के जीवन म समरसता, उत्साह अउ स्वावलम्बन के भाव ह रहे, एखर सेती आकांक्षी जिला के अवधारणा म सांस्कृतिक उत्थान के बिन्दु ल घको यथोचित महत्व अउ ध्यान दे जाना चाही ।