chhattisgarh : मुख्यमंत्री भूपेश बघेल ह चुनाव प्रचार म अपन सरकार के उपलब्धि ल बतात हे , मोदी ह जुमला सुनात हे -कांग्रेस

जय जोहार । (chhattisgarh) भाजपा के राष्ट्रीय उपाध्यक्ष अउ पूर्व मुख्यमंत्री डॉ. रमन सिंह के बयान पर कांग्रेस ह प्रतिक्रिया व्यक्त करे हे। प्रदेस कांग्रेस अध्यक्ष मोहन मरकाम ह किहीन कि मुख्यमंत्री भूपेश बघेल ह जिहां घलो चुनाव प्रचार म जात हे, जनता मन के बीच म अपन सरकार के उपलब्धि ल रखत हे । उहें मोदी अउ भाजपा के दूसर नेता ह चुनाव प्रचार म झूथा आरोप लगात हे अउ सिरिफ जुमला सुनात हे ।

वो हा किहीन कि 2014 के बेरा देस के जादातर राज्य म भाजपा के सरकार रिहीन, जेन 2019 के चुनाव आत-आत सिमट गेहे। कुछु राज्य म भाजपा के बहुमत के सरकार हे, बाकी राज्य म लंगडी लूड़ी बैसाखी अउ ईडी सीबीआई के दम म लोकतंत्र ले चुने सरकार ल गिराके भाजपा ह सरकार बनाय हे । पूर्व मुख्यमंत्री डॉ. रमन सिंह ह कोन मुंह ले दावा करत हे कि भाजपा ल बहुमत मिलही, उत्तर प्रदेश म योगी सरकार ल जनता मन ह खारिज करे के मन बना चुके हे । बाकी चार राज्य म भाजपा के नेता ह भाजपा ल छोड़के भागत हे। उत्तर प्रदेस म घलो योगी सरकार के जेन मंत्री रिहीन, ओ हा अचार संहिता लगत ही योगी के संग ल छोड़के चल देहे ।

(chhattisgarh) प्रदेस कांग्रेस अध्यक्ष मोहन मरकाम ह किहीन कि मोदी भाजपा के अहंकार ल देस अउ प्रदेस के जनता मन ह समझ चुके हे। काठ के हांडी ह बार-बार नई चलत हे । जेन सोसल मीडिया अउ इंटरनेट के माध्यम ले झूठ, फरेब अफवाह फैलाके मोदी भाजपा ह केंद्र म सत्ता हथियाय काम करे रिहीन, वही इंटरनेट ह अब मोदी भाजपा के काला चरित्र ल उजागर करत हे ।