CM Bhupesh Baghel ल कृषि मेला-कुम्हारी म सामिल होय के मिले हे न्योता

जय जोहार । सीएम भूपेश बघेल (CM Bhupesh Baghel) ले आज सांझा ओखर निवास कार्यालय म छत्तीसगढ़ युवक प्रगतिशील किसान संघ के प्रतिनिधिमंडल ह सौजन्य मुलाकात करीन । मुख्यमंत्री ल प्रतिनिधिमंडल ह संघ डहार ले 4 अउ 5 फरवरी के कुम्हारी के खपरी ग्राम म होवइया कृषि मेला म सामिल होय के न्योता दीन।

प्रतिनिधिमंडल ह ए अवसर म छत्तीसगढ़ सरकार डहार ले करे जावत किसान हितैषी काम के सराहना करीन । वोहा मुख्यमंत्री ल बताइन कि छत्तीसगढ़ युवा प्रगतिशील किसान संघ डहार ले हरेक बछर ये मेला आयोजित करे जात हे , जेमा बड़का संख्या म किसान मन के संग ही कृषि वैज्ञानिक अउ कृषि क्षेत्र के विशेषज्ञ हिस्सा लेत हे । ए बछर मेला म मध्यप्रदेश, ओडिशा, महाराष्ट्र, छत्तीसगढ़ अउ राजस्थान सहित अन्य राज्य ले किसान मन ह सामिल होही।

मुख्यमंत्री भूपेश बघेल ह छत्तीसगढ़ युवक प्रगतिशील किसान संघ के सदस्य मन ल किसान मेला के आयोजन म हार्दिक बधाई अउ सुभकामना देत हुए एला किसान मन बर उपयोगी बताइन । ए अवसर म छत्तीसगढ़ी युवक प्रगतिशील किसान संघ के अध्यक्ष विजेंद्र लोहान, भूपेंद्र दुबे, दीप चौहान, दिलीप राठौर, संजय गोहिल, हर्षित परिहार, जालम सिंह पटेल ह उपस्थित रिहीन ।