CM Bhupesh Baghel ह काली राजनांदगांव जिला के भर्रेगांव म किसान अन्नदाता सम्मेलन म होही सामिल

जय जोहार। सीएम भूपेश बघेल (CM Bhupesh Baghel) ह गुरुवार के राजनांदगांव जिला के ग्राम भर्रेगांव म किसान अन्नदाता सम्मेलन म सामिल होही। सीएम ह इंहा जिला वासी मन ल 24 करोड़ 31 लाख 37 हजार रुपिया के विकास काम के सौगात देही । सीएम ह 19 करोड़ 38 लाख 52 हजार रुपिया के 13 ठीन काम के भूमिपूजन अउ 4 करोड़ 92 लाख 85 हजार रुपिया के 2 काम के लोकार्पण करही।

ए अवसर म सीएम श्री बघेल ह 43 हितग्राही मन ल 11 लाख 94 हजार 109 रुपिया के लागत के सामग्री के वितरण करही । दू हितग्राही मन ल ल व्यापार अउ आटा चक्की मशीन क्रय बर 1-1 लाख रुपिया के रासि के चेक, 4 हितग्राही मन ल ल मछली जाल बर 10-10 हजार रुपिया, दू हितग्राही मन ल आईस बाक्स बर 6-6 हजार रुपिया, 5 हितग्राही मन ल 11 हजार रुपिया के बैटरी स्प्रेयर, 5 हितग्राही मन ल 3 लाख 76 हजार 109 रुपिया के डीजल पंप, विद्युत पंप, मिनी राईस मिल, 25 हितग्राही मन ल 5 लाख 55 हजार रुपिया के चॉक बोर्ड वितरित करही ।