CM Bhupesh Baghel ह आज अंबिकापुर म सर्व यादव समाज के स्वाभिमान सम्मेलन म होही सामिल

जय जोहार । सीएम भूपेश बघेल (CM Bhupesh Baghel) ह आज सरगुजा दउरा म जाही । मुख्यमंत्री ह मंझनिया 12.40 बजे राजधानी रायपुर के पुलिस ग्राउण्ड हेलीपेड ले हेलीकॉप्टर डहार ले प्रस्थान करही अउ मंझनिया 1.55 बजे अंबिकापुर के पी.जी. कॉलेज ग्राउण्ड हेलीपेड पहुंचही ।

सीएम श्री बघेल ह मंझनिया 2.25 बजे अंबिकापुर म ट्रांजिट हॉस्टल भवन के लोकार्पण करही अउ मंझनिया 2.40 बजे कलाकेंद्र मैदान, अंबिकापुर म आयोजित सरगुजा संभाग के सर्व यादव समाज के स्वाभिमान सम्मेलन म सामिल होही । एखर बाद सीएम ह मंझनिया 3.45 बजे अंबिकापुर ले हेलीकॉप्टर डहार ले प्रस्थान कर संझा 5 बजे पुलिस ग्राउण्ड हेलीपेड, रायपुर लहुटी आही ।