CM Bhupesh Baghel ह आज रायपुर पश्चिम विधानसभा क्षेत्र के कई ठन कार्यक्रम म होही सामिल

जय जोहार। सीएम भूपेश बघेल (CM Bhupesh Baghel) ह आज रायपुर पश्चिम विधानसभा क्षेत्र म आयोजित भेंट-मुलाकात कार्यक्रम अउ कई ठन आयोजन म सामिल होही । सीएम ह ए दउरान क्षेत्र वासी मन ल विकास काम के सौगात घलो देही । निर्धारित कार्यक्रम के अनुसार मुख्यमंत्री ह मंझनिया 12.10 बजे आयुर्वेदिक कॉलेज के सामने नालंदा परिसर म मिलेट कैफे के लोकार्पण करही अउ 12.25 बजे नंदनवन मार्ग स्थित अटारी के दुर्गा मंदिर के दर्शन करही । एखर बाद मुख्यमंत्री ह मंझनिया 12.35 बजे जरवाय म सी एंड डी प्लांट के लोकार्पण करही अउ जरवाय गौठान के अवलोकन करही ।

सीएम भूपेश बघेल ह मंझनिया 12.55 बजे मोहबा बाजार ले कोटा मार्ग के नावकरण कार्यक्रम म सामिल होही और 1.10 बजे गुढ़ियारी म छत्तीसगढ़ महतारी चौक के लोकार्पण करही । मुख्यमंत्री ह मंझनिया 1.20 बजे गुढ़ियारी के सीएसईबी ग्राउण्ड म कई विकास काम के भूमिपूजन अउ लोकार्पण करही अउ भेंट-मुलाकात कार्यक्रम म सामिल होके आमजन ले संवाद करही । मुख्यमंत्री ह मंझनिया 3.30 बजे अग्रसेन चौक स्थित संभाग स्तरीय सी-मार्ट के अवलोकन करही । एखर बाद राजधानी स्थित मुख्यमंत्री निवास पहुंचही अउ संझा 5 बजे विभिन्न प्रतिनिधि मंडल ले मुलाकात करही ।