CM Bhupesh Baghel ह काली जाही दंतेवाड़ा अउ जगदलपुर जिला के प्रवास म, कई ठीन कारीकरम म होही सामिल
जय जोहार…. मुख्यमंत्री भूपेश बघेल (CM Bhupesh Baghel) ह काली 25 जनवरी के दंतेवाड़ा अउ जगदलपुर जिला के प्रवास म रही, जिहां वो हा कई ठीन कारीकरम म सामिल होही ।
निर्धारित दौरा कारीकरम के अनुसार मुख्यमंत्री भूपेश बघेल ह बिहनिया 10 बजे पुलिस ग्राउंड रईपुर ले हेलीकॉप्टर डहार ले प्रस्थान कर 11 बजे दंतेवाड़ा जिला के ग्राम छिंदनार (बारसूर) पहुंचही, इहां छिंदनार ब्रिज सहित कई ठीन विकास काम के लोकार्पण अउ भूमिपूजन में सामिल होही।
मुख्यमंत्री भूपेश बघेल (CM Bhupesh Baghel) ह छिंदनार ले प्रस्थान कर मंझनिया 12.50 बजे जगदलपुर जिला के बालीकोंटा पहुचही, इहां अमृत मिसन योजना के अंतर्गत निर्मित सिवरेज प्लांट के लोकार्पण करही। एखर बाद मंझनिया 2.10 बजे धरमपुरा क्रीड़ा परिसर म कई ठीन विकास काम के अवलोकन करही।
मुख्यमंत्री भूपेश बघेल (CM Bhupesh Baghel) ह संझा 5.15 बजे बस्तर चेम्बर ऑफ कामर्स के नवनिर्वाचित पदाधिकारी मन के सपथ ग्रहण समारोह म सामिल होही। एखर बाद वो हा संझा 6.10 बजे दलपत सागर जाही अउ नवीनीकृत समुंद चौक के लोकार्पण अउ कई ठीन विकास काम के लोकार्पण अउ भूमिपूजन कारीकरम म वर्चुअल रूप ले सामिल होही ।
