CM Bhupesh Baghel ह 21 मार्च के विश्व वानिकी दिवस म करही ‘मुख्यमंत्री वृक्ष संपदा योजना’ के सुभारंभ, हरेक जिला म होही कार्यक्रम
जय जोहार। सीएम भूपेश बघेल (CM Bhupesh Baghel) ह 21 मार्च के विश्व वानिकी दिवस के अवसर म राज्य सरकार के महत्वाकांक्षी ‘मुख्यमंत्री वृक्ष संपदा योजना’ के शुभारंभ करही । एखर तहत प्रदेस भर के हरेक जिला म एक-एक ठन स्थान म समारोह के रूप म सुभारंभ के कार्यक्रम के आयोजन होही ।
मुख्यमंत्री डहार ले वाणिज्यिक वृक्षारोपण ल बढ़ावा दे के उद्देश्य ले छत्तीसगढ़ म ‘मुख्यमंत्री वृक्ष संपदा योजना’ लागू करे के घोसना के बाद एखर क्रियान्वयन के तईयारी जोरो म हे । मुख्य सचिव अमिताभ जैन ह ए तारतम्य म प्रदेस के सबो कलेक्टर अउ वनमंडलाधिकारी ल पत्र भेजके जिला म ‘मुख्यमंत्री वृक्ष संपदा योजना’ के सुभारंभ कार्यक्रम बर आवश्यक तईयारी सुनिश्चित करे के निर्देस देहे । कार्यक्रम म स्थानीय जनप्रतिनिधि अउ विभागीय अधिकारी-कर्मचारी समेत आम जनता ह बड़का संख्या म सामिल होही ।
गौरतलब हे कि ‘मुख्यमंत्री वृक्ष संपदा योजना’ के तहत सबो वर्ग के इच्छुक भूमिस्वामी, सासकीय अर्द्ध सासकीय अउ सासन के स्वायत्त संस्था, निजी शिक्षण संस्था, निजी ट्रस्ट, गैर सासकीय संस्था, पंचायत अउ भूमि अनुबंध धारक ए योजना के लाभ ले सकत हे । ए योजना के अंतर्गत हितग्राही के निजी भूमि म 5 एकड़ तक रोपण बर 100 प्रतिशत अउ 5 एकड़ ले जादा क्षेत्र म रोपण बर 50 प्रतिशत वित्तीय अनुदान सासन डहार ले हितग्राही ल प्रदाय करे जाही ।
