जय जोहार। सीएम भूपेश बघेल (CM Bhupesh Baghel) ह अंतर्राष्ट्रीय श्रमिक दिवस (मई दिवस) के अवसर म श्रमवीर मन ल बधाई अउ सुभकामना दीन हे । ए अवसर म सीएम श्री बघेल ह सबो श्रमिक के सुखमय अउ उज्ज्वल भविष्य के कामना करे हे । सीएम श्री बघेल ह किहीन कि एक मई ल हरेक बछर हम मेहनतकश श्रमिक मन के प्रति आभार व्यक्त करे बर मजदूर दिवस मनात हन । ये श्रमिक मन के मेहनत अउ समर्पण के सम्मान के दिन हे ।
मुख्यमंत्री ह किहीन कि श्रमिक ह हमर मन के समाज के अभिन्न अंग अउ विकास के आधारसिला हे । छत्तीसगढ़ सरकार ह श्रमिक समेत सबो जरूरतमंद मनखे मन के विकास के हरसंभव प्रयास करत हन । छत्तीसगढ़ श्रम कल्याण मण्डल डहार ले सैक्षणिक सहायता योजना, श्रमिक दुर्घटना मृत्यु सहायता योजना, मुफत सायकल वितरण योजना, मुफत सिलाई मशीन योजना अउ सिलाई मशीन प्रसिक्षण, मुख्यमंत्री श्रमिक औजार सहायता योजना, मुख्यमंत्री नोनी ससक्तिकरण सहायता योजना जइसे योजना संचालित करे जावत हे । जेखर ले श्रमिक मन के संगेसंग ओखर परिवार ल घलो सुखद उज्ज्वल भविष्य मिल सके।
सीएम श्री बघेल ह किहीन कि छत्तीसगढ़ म पारम्परिक रूप ले मेहनतकश के दैनिक भोजन के हिस्सा बोरे-बासी रहे हे । बोरे बासी म सारे पोसक तत्व मौजूद होत हे । गर्मीं के दिन म शरीर ल ठंडा रखे के संग पाचन सक्ति बढ़ाए बर घलो ये रामबाण हे । एला देखत हुए छत्तीसगढ़ म पिछले बछर ले बोरे-बासी खाके अपन पारंपरिक भोजन, संस्कृति अउ श्रमिक मन के प्रति सम्मान प्रकट करे के सुरूवात करे गेहे ।
