CM Bhupesh Baghel ह प्रदेस वासी मन ल दीन हे दसहरा तिहार के सुभकामना, पढ़व

जय जोहार। मुख्यमंत्री भूपेश बघेल (CM Bhupesh Baghel ) ह प्रदेस वासी मन ल दसहरा तिहार के बधाई अउ सुभकामना दीन हे । वो हा ए अवसर म प्रदेस वासी मन के सुख, समृद्धि अउ खुसहाली के कामना करे हे।

दसहरा के पूर्व संध्या म जारी बधाई संदेस म सीएम भूपेश बघेल (CM Bhupesh Baghel ) ह किहीन कि दसहरा सक्ति पूजा, सस्त्र पूजन, हर्ष, उल्लास अउ विजय के तिहार हे। विजयादसमी ये तिहार ह बुराई म अच्छाई अउ अन्याय म न्याय के जीत के प्रतीक हे। ए दिन भगवान राम ह रावण के वध करे रिहीस ।

सीएम भूपेश बघेल (CM Bhupesh Baghel ) ह किहीन कि दसहरा तिहार हमन ल सत्य के मार्ग म चले के प्रेरणा देत हे, हमन ल विश्वास दिलात हे कि सत्य के मार्ग म कतना घलो परेसानी अउ कठिनाई काबर नई हो, विजय सदा सत्य के होत हे। ये तिहार अन्याय अउ अहंकार म न्याय अउ सत्य के विजय ल रेखांकित करत हे।