chhattisgarh : मुख्यमंत्री भूपेश बघेल ह जीएसटी क्षतिपूर्ति ल लेके प्रधानमंत्री क लिखे हे पत्र, पढ़व

जय जोहार । (chhattisgarh) मुख्यमंत्री भूपेश बघेल ह जीएसटी क्षतिपूर्ति अनुदान ल लेके प्रधानमंत्री नरेंद्र मोदी ल पत्र लिखे हे । वो हा प्रधानमंत्री ले जीएसटी क्षतिपूर्ति के वर्तमान व्यवस्था ल अवइया 10 बछर तक जारी रखे के आग्रह करे हे । मुख्यमंत्री ह अपन पत्र म ए बात के घलो उल्लेख करे हे कि उत्पादक राज्य ल राजस्व के भरपाई के कोनो वैकल्पिक स्थाई व्यवस्था केंद्र सरकार डहार ले शीघ्र करे जाना चाही ।

(chhattisgarh) मुख्यमंत्री भूपेश बघेल ह किहीन कि छत्तीसगढ़ जइसे उत्पादक राज्य बर जीएसटी क्षतिपूर्ति अनुदान बंद करे जाना बड़का आर्थिक नुकसान है, जबकि उत्पादक राज्य होय के सेती देस के अर्थव्यवस्था के विकास म हमर मन के योगदान उन राज्य के तुलना म कहीं जादा हे , जेन वस्तु अउ सेवा के जादा उपभोग के सेती जीएसटी कर प्रणाली ले लाभान्वित होय हे ।

यदि जीएसटी क्षतिपूर्ति अनुदान जून 2022 के बाद नई दे जात हे , त अइसे स्थिति म छत्तीसगढ़ (chhattisgarh) ल अवइया बछर म 5 हजार करोड रुपिया के राजस्व के हानि संभावित हे । अइसने कई ठीन दूसर राज्य ल घलो अवइया बछर राजस्व म कमी के सामना करे ल होही।