जय जोहार…. मुख्यमंत्री भूपेश बघेल ह केन्द्रीय वित्त मंत्री निर्मला सीतारमण ल पत्र लिखे हे। एमा राज्य बर दे गे जीएसडीपी के दू प्रतिशत अतिरिक्त उधार सीमा ल सब्बो शर्त ले मुक्त रखे के आग्रह करे हे। सीएम ह अपन पत्र म केहे हे कि वर्तमान समय म राज्य सरकार के तरफ ले जनकल्याण के तात्कालिक अऊ प्राथमिक दायित्व ल संतोषजनक ढंग ले निर्वाह करना जियादा महत्वपूर्ण हे। राज्य के आग्रह म जनकल्याणकारी दायित्व के निर्वहन बर भारत सरकार के तरफ ले जीएसडीपी के दू प्रतिशत अतिरिक्त उधार सीमा के अनुमति दे गे हे। लेकिन ए सुविधा ह कई शर्त अऊ मापदण्ड के पूर्ति म आधारित होय के सती संसधान के कमी के समस्या यथावत बने हुये हे।
सीएम ह लिखे हे कि कोविड-19 महामारी अऊ देशव्यापी लाकडाउन के सती राज्य ल होवइया आय म कमी आय हे। कोरोना संकट अऊ लाकडाउन के सती उत्पन्न विषम परिस्थिति ले निपटे बर केंद्र सरकार के तरफ ले आर्थिक पैकेज के घोसना घलो अर्थव्यवस्था ल पुनर्जीवित करे बर अपर्याप्त अऊ जनसामान्य के जरूरत ल पूरा करे म निष्फल साबित हो गे हे। एखर सती राज्य सरकार के दायित्व ह अब अऊ बाढ़ गे हे।
